يا عالم يا هوووه ثبات العربيه عرفوووووه؟؟؟؟

الموضوع ده بيلح (الح يلح الحاحاً) على من فترة ومش هخبى عليكم غايظنى اوى كمان بصراحة

كل ما اقعد اتكلم مع حد عن عربيه تبص تلاقى واحد يقولك لاء حاسب ده العربيه ديه ثباتها جامد جداً دا انا بجرى بيها 180 وملهاش حل ياعم
واحد تانى يقولك حاسب بقى ده الفيرنا ثابته موت لعلمك احسن من الانوس والانسر بمراحل
واحد تالت يقولك من الاخر الاكسنت ديه ملهاش حل فى الثبات خاصة ال 1500 عارف لو ال 1300 اقولك لاء لكن ال 1500 ديه ثباتها حكاية

وتسمع قصائد شعريه فى عربيات خزعبلية اخرها التسعين والمية ويقولك ديه حدوته ديه خرافه ده ثباتها تحفه ده التحكم فيها رهيب وكلام لا يقال الا فى فى عربيات لايقل تمنها عن النص مليون مثلا

ازاى بس ديه عربيه العقل والمنطق والاصول والاعراف الدولية وحقوق الانسان ميتقالش عليها ثابته اصلاً على 120

عربيات لو اتعمل مونديال للثبات هيطلعو من الدور السبعتلاف
والكلام ده فى مصر مش فى هولندا ولا استراليا يعنى شوارع زى الزفت اصلا وملفات المهندس اللى صممها رسمها برجله مش بايدة

طب يا عمونا الثبات اللى انت تقصده ده ايه معالمة يعنى ولا ايه معناه بالنسبالك ادينى اى امارة عليه

يقولك انا اصلى ببقى ماشى فى الطريق احس انها ثابته
واحد تانى يوقلك اصلى باخد بيها غرز على 180
واحد تالت يقولك حاسب ديه تقيله ع الارض

كلام سهلبيسى متفعكش يؤكد ان موضوع الثبات ده نسبى وكل واحد بيقدرة بمزاجة
هو عارف يتحكم فى العربيه تبقى العربيه ثابتة
هو عارف يمسك العربيه بدراعة تبقى العربيه جامدة اخر حاجة

اللى عايز اقوله ان الثبات عمرة ماكان كده خالص ولا ينفع يتقاس بالشكل ده بس لكن قبل ما اتكلم تفصيلياً عن ماهيه الثبات عايز اسمع ارائكم جميعاً فى معنى الثبات وتعريفه لكل واحد منكم
وكل واحد يقول انا شايف الثبات ان العربيه تكون كذا كذا
وشايف اكتر عربيه ثابته سوقتها كانت كذا

لان الغرض من الموضوع مش ذكر حقائق وبس انما استطلاع رائ فى نفس الوقت وتقريب لوجهات النظر فى اكتر نقطه يختلف عليها فى اى مقارنه بين عربيتين
مش بس كده ده الثبات ده من اهم معاملات الامان فى العربيه فضلا عن كونه سمة اساسيه تكون شخصية السيارة ومدى متعه القيادة وقوة ادائها

فى انتظار ارائكم وتعليقاتكم ولى عودة اكيد ان شاء الله

مرة تانية

ايه تعريف الثبات بالنسبالك (امتى تقول ان العربيه ديه ثابته او غير كدة ) ؟
ايه العربيه اللى سوقتها وشايف انها ثابتة؟
ايه العربيه اللى سوقتها وشايف انها تفتقر للثبات؟

شكرا علي المجهود الرائع

مشكووووووور قاهرر على مرورك الجميل

» افضل شركات الربح العربيه payg8 + اثبات الدفع